माढेश्वरी अर्बन डेव्ह.को-ऑपरेटिव्ह बँक लि., माढा

बँकेच्या नेत्रादीपक प्रगतीमध्ये सभासदांचाही मोठा सिंहाचा वाटा असतो. सभासदांच्या सक्रीय सहभागामुळे दिनांक ३१/०३/२०२६ अखेर बँकेची सभासद संख्या १०,९९० असून बँकेचे वसूल भाग भांडवल ₹ ७७६.३१ लाख इतके आहे.

राखीव व इतर निधी: बँकेचा राखीव व इतर निधी मार्च २०२६ अखेर
₹ ३,०३३.५२ लाख इतका झालेला आहे.

स्पर्धेच्या युगात खातेदारांना चांगली सेवा देऊन ठेवीदारांचा विश्वास प्राप्त करून दिनांक ३१ मार्च २०२६ पर्यंत एकूण
₹ २५,३८२.८१ लाख इतक्या ठेवी बँकेकडे जमा आहेत.

मा. रिझर्व्ह बँक ऑफ इंडिया यांच्या बँकिंग रेग्युलेशन ॲक्ट मधील तरतुदीनुसार केंद्र सरकार कर्ज-रोखे यामध्ये बँकेने
₹ ८,४९३.६३ लाख इतकी गुंतवणूक केली आहे.

तसेच राज्य सहकारी बँक, जिल्हा मध्यवर्ती सहकारी बँक व इतर बँकांमध्ये ₹ ४,६४५.७२ लाख इतकी गुंतवणूक केलेली आहे.

राष्ट्रीयकृत बँका व खाजगी बँकांच्या स्पर्धेत टिकून राहण्यासाठी योग्य कारणासाठी पुरेसे तारण घेऊन दिनांक ३१ मार्च २०२६ अखेर एकूण ₹ १४,३०४.२३ लाख कर्जाचे वाटप केले आहे.

• सी.डी. रेशो (C.D. Ratio): ५६.३५ %
• निव्वळ एन.पी.ए. (Net NPA): ० % (शून्य टक्के)
• अग्रक्रम क्षेत्र (Priority Sector): १२५.६३ % वाटप
• दुर्बल घटक (Weaker Section): १७.६१ % वाटप

भांडवल पर्याप्तता (CRAR): रिझर्व्ह बँकेच्या मार्गदर्शक तत्त्वानुसार CRAR चे प्रमाण ९% ठेवणे आवश्यक आहे. आपल्या बँकेने दिनांक ३१/०३/२०२६ अखेर हे प्रमाण २१.०२ % इतके उत्कृष्ट ठेवले आहे.

वैधानिक लेखापरीक्षण: सन २०२५-२६ सालासाठी वैधानिक लेखापरीक्षक श्री. किरण नागेश अँड असोसिएट्स, सोलापूर यांनी लेखापरीक्षण पूर्ण करून बँकेला ऑडीट वर्ग "अ" दिलेला आहे.

समवर्ती/अंतर्गत लेखापरीक्षण विजय गपाट अँड असोसिएट्स, बार्शी यांनी पूर्ण केले असून समाधान व्यक्त केले आहे.

बँकेचे एकूण ३५ कर्मचारी असून वसुलीमध्ये सर्व कर्मचाऱ्यांनी अतिशय चांगली कामगिरी बजावून, एन.पी.ए. चे प्रमाण शून्य [० %] राखण्यास मदत केली आहे.